Um TSG
TSG á Ísland kennir og miðlar kennslu Torkom Saraydarian, sem byggir á því besta og
fallegasta í helgri menningu heimsins.
TSG – stendur fyrir Torkom Saraydarian og Gita.
TSG á Íslandi er agnarlítill angi sprottinn upp af kennslu þeirra Torkoms Saraydarian og Gitu Saraydarian.
Við bjóðum þig hjartanlega velkomin í samfélag leitar og lærdóms.
Torkom Saraydarian
Torkom (1917-1997) fæddist í Sivas í Tyrklandi. Frá barnsaldri hlaut hann þjálfun í Kennslunni – Ævarandi Visku, undir leiðsögn föður síns. Hann flutti til Bandaríkjanna árið 1959 þá fjölskyldufaðir með fjögur börn. Torkom helgaði líf sitt samferðamönnum sínum, lét velferð þeirra sig ávallt varða og leitaðist við að auðga í þeim hugsun sem mætti hjálpa þeim að leggja grunn að framtíð sinni á. Hann lagði ávallt áherslu á sjö meginþætti: Fegurð, Góðvild, Réttlæti, Gleði, Frelsi, Erfiði í átt að Fullkomnun og Óeigingjarna Þjónustu.
Torkom skrifaði yfir 150 bækur og skildi eftir sig ríkulega arfleifð fyrirlestra og tónlistar sem bera ást hans á heimspeki, hærri lögmálum og gildum allra trúarbragða glöggt vitni.
Verk hans tengjast H.P Blavatsky, brautryðjanda og stofnanda Guðspekifélagsins, Helenu Roerich og Agni Yoga-kennslunni sem hún kom á fót og Alice Bailey, stofnanda Arcane-skólans. Öll eru þau kennd við Kennsluna - Ævarandi Visku.
Gita Saraydarian
Gita Saraydarian er dóttir Torkoms og stofnaði bókaútgáfu TSG Foundation árið 1987 til að gefa út bækur og annað efni frá Torkom. Síðan þá hefur umfangið vaxið til muna. Bygging hefur bæst við og rekstur á fallegu andlegu námssetri í Arizona Bandaríkjunum – TSG Center for Spititual Development. Þar er kennd hugleiðsla og andleg þjálfun auk ýmissa námskeiða sem haldin eru reglulega er viðkoma vexti mannssálarinnar. Þá rekur hún einnig TSG Háskóla þar sem nemendur allsstaðar að úr heiminum leita sér þekkingar. Hún er um það bil að ljúka við að gefa út arfleifðina sem Torkom skildi eftir sig.
Dagmar J. Eiríksdóttir
Dagmar J Eiríksdóttir er stofnandi TSG á Íslandi og nemandi Gitu Saraydarian til langs tíma. Hún hefur frá árinu 2015 verið með mánaðarlegar hugleiðslur í kringum fullt tungl og haldið námskeið í gleði og heilun sem unnin eru upp úr efni frá Gitu og bók frá Torkom sem ber sama nafn. Nú hefur sú bók verið þýdd yfir á íslensku.